Desire for US , Canada and a Baby Boy

Hello World,

Vartman Pravah is a Gujarati daily published from Daman and Surat. Bharat Kantilal Shah,63 years is a maverick media person known in media circles of Gujarat,Maharashtra and New Delhi.Often loved but secretly feared and awed by almost all who count in ‘Who is Who’in Gujarati print media,he is a proven man of all weathers.Fit for all jobs related to Media,he can do and ha can undo ! Well experienced and equally well connected with people from all walks of life and cross sections of society.He has fought against all sorts of odds and difficulties created by a very powerful lobby of opponents.He is a close witness to a steady downfall in standards in public life and therefore media.

His column is a sort of reflections of society we live in.It is difficult for me to translate his writings into English.

i am grateful to him and his editor and proprietor,Mukesh Gosavi for allowing me to translate his writings into English and Hindi,download,upload,cut,copy,paste and post his column with or without my comments on my Facebook,Google+,Twitter and Blog posts.

i quote,

“વર્તમાન પ્રવાM

સુરત અને દમણથી પ્રકાશિત ગુજરાતી દૈનિક

તા. ૨૭-૭-૨૦૧૩

વર્તમાન પ્રવાહ- આપણો, સૌનો અરીસો

ભરત શાહ, ૯૮૨૫૦૯૧૬૭૮
સુરત

આપણો સમાજ ૨૦૧૩ની સાલમાં હજુ કેટલો જુનવાણી અને પછાત છે તેની ખાતરી થાય તેવા કિસ્સા રોજ બરોજ અખબારોના પાને ચમકીને શહેર ગામના શેરી મહોલ્લાના ઓટલે ઓટલે અને હવે સોશિયલ મીડિયામાં ચર્ચાય છે. જે બધું કરવા ઘટે તે તો સામાવાળઆએ જ કરવાનું, આપણે પોતે નહિ એવી સગવડિયા વૃત્તિ આપણે સૌ હજુ સુધી છોડી શક્યા નથી. ‘અબક ભાઇ યા બહેન આવા’ અને ‘કખગ કાકાકાકી તેવા’ તેવી પારકી પંચાતમાં સૌને આનંદ મળે છે. પાછો તે મફતમાં મળે છે… તો શો વાંધો ? પરંતુ કિસ્સામાં ચર્ચાનારાં પાત્રોની તનમન અને ધનની દશા તો તેઓ જ બિચારા જાણે…

વિદેશ પ્રવાસની ઘેલછા કોને નહિ હોય ? નમોથી શરૃ કરીને ગામડા ગામના થોડું ઘણું ભણેલા દરેકને શક્ય હોય તો પ્રથમ પસંદગી તરીકે અમેરિકા, દ્વિતીય ક્રમે કેનેડા… તે પછી બ્રિટન, ઓસ્ટ્રેલિયા, ન્યુઝીલેન્ડ જર્મની… જવા મળે અને ત્યાં જ કાયમી રહેઠાણ મળે તે વિચાર જ રોમાંચક છે. જે યુવક યુવતીના માબાપ, ભાઇબહેન અમેરિકા, કેનેડા હોય તેના લગ્નના બજારમાં રૃપરંગ ભણતર સાથે થોડા ચાન્સ વધી જાય. તાજેતરમાં એવો કિસ્સો થયો કે લગ્ન પછી યુવકે કેનેડા પહોંચીને નહિ, ભારતમાં રહ્યે રહ્યે જ કેનેડા જવાનું ‘ફાઇનલ’ થતાં વાર જ બીજી વધુ કસવાળી કન્યા જોડે બીજું લગ્ન કરી લીધું ! પહેલા લગ્નવાળી પત્નીની પીઠી અને મહેંદીના રંગ અને સુગંધ તો હજુ તાજાં જ છે… હવે પહેલા લગ્નવાળી યુવતી અને તેના માબાપ ‘પેલો’ ભાગી જાય તે પહેલાં તેના પાસપોર્ટ વિ. જપ્ત કરાવવા વકીલોને ત્યાં, પોલીસ સ્ટેશનોમાં અને કોર્ટમાં આંટાફેરા કરી રહ્યા છે. નવેસરની પરણેતર તો બાપડી બધું જાણીને સુખમાં પડેલી એટલે હવે કોનો વાંક કાઢે ?

લગ્નની આમલી પીપળી બતાવીને સગીર યા વયસ્ક યુવતીને ફસાવનારા શેરી, મહોલ્લા, ગામના, પરગામના અને બીજા જીલ્લા યા રાજ્યના યુવાનોના કિસ્સા તો આંગળીના વેઢે ગણાય. રંગરાગ ખેલીને, શહેરની હોટેલોના મેનેજરોને બેનંબરી કમાણી કરાવીને, યુવતી ગર્ભવતી થાય એટલે તેને આશાનું ગાજર પકડાવીને નોકરી ધંધો રહેઠાણ અને ગામ સુધ્ધાં છોડીને રફુચક્કર થનારા ‘સાહસિકો’ની હવે ખોટ રહી નથી. ટીવી ઇન્ટરનેટ, મોબાઇલ પર કે છાપામાં આવી દુઃખદ કહાણીઓ વાંચીને પણ સમજણી નહિ થયેલી યુવતીઓ હોર્મોનના પ્રતાપે યા સંગત દોષે આવા રંગીલાઓની જાળમાં આરામથી ફસાય, ગર્ભપાત કરાવનારા તબીબોને કમાણી કરાવે, હોટેલના સીસીટીવી કેમેરામાં ઝડપાઇને વીડીયો ક્લીપમાં ‘બધે બધ ફરે’ છેવટે બદનામીના ડરથી આપઘાત કરે યા નફ્ફટ થઇને કોલગર્લ બની જાય. તેવી નહિ સધવા, નહિ વિધવા એવી રૃડીરૃપાળી કન્યાઓ ‘એસ્કોર્ટ ગર્લ’ના રૃપાળા નામ સાથે વીઝીટીંગ કાર્ડ સુધ્ધાં છપાવીને આરામથી જીવન વ્યતિત કરે. લીવ ઇન રીલેશનમાં રહેનાર કોઇ મળે તો ઠીક છે નહિ તો સરખે સરખાનું ‘કોમ્યુન’ બનાવીને રહે. સુરત, નવસારી, વલસાડ, બારડોલી, વાપી, દમણ, ભરૃચ એમ બધે બધ આ વાત હવે સામાન્ય થઇ ગઇ છે. બે ચાર ચોખલિયાઓ સિવાય કોઇના પેટનું, પાણી પણ આ બાબતે હલતું નથી. પોલીસવાળા પણ શું કરે ? કેટલાની સામે ‘ઇમ મોરલ ટ્રાફીકીંગ’ના કેસ કરે ? બીજાં કામો ઓછાં છે કે આ રમણીઓ અને રંગીલાઓને સુધારવાના ધખારા કરે ? જે મળ્યું તે લાભનું સમજીને સલાહો આપીને બધા કેસની પતાવટ કરી નાંખે… કો’ક ભૂખ્યો હોય તો તે વહેતી નદીમાં હાથ પણ ધોઇ લે…

શું કરવું અને શું નહિ કરવું તેની સમજ ભણેલાઓમાં યોગ્ય રીતે હોય એવું માનવાનું ભારે ભૂલ ભરેલું છે. હજીરાની પ્રખ્યાત એન્જિનીયરીંગ કંપનીના ટેક્નોક્રેટ બાપ-દીકરાનો કિસ્સો આનું ઉદાહરણ છે. ખાધેપીધે સુખી અને શરીરે સ્વસ્થ, તંદુરસ્ત એવા આ કુટુંબમાં દીકરાના લગ્ન પહેલાં ત્રણ સભ્યો હતા. મા-બાપ અને દીકરો. દીકરો ત્રીસને વટાવવા સુધી પહોંચ્યો, પણ લાડી મળી નહિ. એકનોએક દીકરો. સુખ સંપત્તિ અન્યોને અદેખાઇ ઉપજે એવાં, તેવી જ રમતી ગમતી વીસીમાં પહોંચેલી અને હજુ તો ગ્રેજ્યુએટ પણ નહિ થયેલી એકની એક એવી નાતની જ યુવતી સાથે ગોઠવાયું અને લગ્ન પણ રંગેચંગે થઇ ગયાં. હજુ તો વરવહુને હનીમુનનો કેફ ઉતરે તે પહેલાં તો સાસુમાને દાદી બનવાનું શૂર ચડયું. વહુ તો કોલેજની છેલ્લી પરીક્ષા કઇ રીતે સારી પેઠે પાસ કરવી તેના પ્લાન બનાવે, વર તેને અનુકુળ થવા પ્રયત્ન કરે… ત્યાં સાસુ-સસરાએ બોમ્બ ઉપર બોમ્બ ફોડવા માંડયા. દીકરાનું માબાપ આગળ કંઇ ઉપજે નહિ તે પણ માબાપના ઝટપટ દાદા-દાદી બનવાના સ્વપ્ન પૂરા કરવા ખંતીલો થઇ ગયો. હવે બાપડી પેલી વહુ શું કરે ? પેલા ત્રણ તો એને લઇને શહેરે સુરતના પ્રસિદ્ધ પ્રસુતિવિદ્યા તજજ્ઞા અને સ્ત્રીરોગ નિષ્ણાતને ત્યાં પહોંચ્યા. ફરમાઇશ મૂકી, “અમારે તો દીકરો જ જોઇએ!” લો ! પેલો તબીબ તો ચકરાવે ચડી ગયો. ….હવે એના પાપી પેટનો સવાલ આવ્યો. પેલી ગરજવાન ત્રિપુટીને જો સાચી વાત કહે કે, “આ બાપડીને બે ત્રણ વર્ષ તમારા કુટુંબમાં ગોઠવાઇ જવા દો” વીસ વર્ષની વયે કંઇ રીતે કહેવાય કે એ મા બનવા સક્ષમ નથી. જ્યારે એની શારીરિક અને લેબોરેટરી તપાસના બધા રીપોર્ટ નોર્મલ હોય ?! માબાપ અને દીકરો તો ગરજવાન એટલે તેઓને લાડીલી, કોડીલી વહુના દુઃખો દેખાય પણ નહીં અને સમજાય પણ નહિ. પેલા પુરુષ તબીબે વિચાર કર્યો, “જો આ ત્રિપુટીને ના કહીશ કે સાચું કહીશ તો એક સારું ફેમિલી હાથમાંથી જશે. તેઓ ચોક્કસ સ્ટેશને સેન્ચુરી મારવા પહોંચશે. તેથી એણે તો દવા ઇન્જેકશનોનો મારો ચાલુ કરી દીધો. હવે તો ઉપરવાળો જ કંઇક ચમત્કાર કરી શકે ! પેલી બિચારી વહુનું માસિક ઋતુચક્ર તો ઠીક, બધું જ પેલી ત્રિપુટી અને ડોક્ટરના ચોખડે ચોપટ થઇ ગયું. પોતે એકની એક, છૂટાછેડા લે તો માબાપની શી દશા થાય ? કાયમ હસતી, રમતી ને હવે કાયમની ઉદાસી ચહેરા પર વસાવીને જીવતી રહી શકે છે ખરી… ભણેલા, ખૂબ ભણેલા, અતિ પ્રતિષ્ઠિત, પૈસાપાત્ર કુટુંબની આ દશા હોય તો બીજાની શી વાત કરવી ?

અરીસો તો જે હોય તે બતાવે. આપણે સૌ કઇ દિશામાં જઇ રહ્યા છીએ ?! આ તો થોડામાં ઘણું.”

i unquote.

Advertisements

Tags: , , , , , , , , , , , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: